Na adolescencia é complicado lidar con todos os cambios que se suceden, é un momento no que ‘es demasiado novo para unhas cousas e demasiado maior para outras’. Por esta razón, actividades como o Camiño de Santiago, que non coñece de idades, poden ser moi enriquecedoras, entretidas e divertidas nesta etapa da vida.
Existen moitas razóns polas que penetrarse nalgunha das rutas xacobeas da provincia de Lugo: facer exercicio físico, atoparse a un mesmo, relacionarse con xente nova, coñecer a cultura da zona, poñerse a proba, superar novos retos e mesmo valores como o esforzo, o liderado ou o compañeirismo.
Se, a pesar de todos estes factores positivos, aínda non sentes ese impulso que necesitas para levalo a cabo, temos dúas alternativas.
A primeira é “O Camiño que nos Une”. Grazas a esta iniciativa os mozos de 8 centros poderán aprender todo o que supón o Camiño: coñecemento e crecemento persoal, riqueza cultural, avance económico, deporte… Será da man da Asociación de Amigos do Camiño de Santiago da Provincia de Lugo e de 8 deportistas que nos ensinarán o que significou o deporte nas súas vidas.
Da segunda deixámosche que te ocupes ti entre estes argumentos:
- A forma física. É un feito: os máis novos teñen moita máis enerxía e reservas para conseguir alcanzar os 100 quilómetros que lles outorgan a compostelá.
- Máis conciliación. Probablemente os mozos teñan moito máis tempo libre para poder facer este tipo de actividades, e poidan evadirse por completo daquilo que lles rodea no seu día a día.
- Encontrarte a ti mesmo poderá axudarche a clarificar o teu futuro.
Para terminar, un consello: lembra que cada persoa pode organizar o camiño como mellor lle conveña. Realiza o teu plan en función dos quilómetros que queiras facer cada día, as paradas, as comidas, as actividades… Hai mil formas de realizalo, pero todas elas van achegar, tanto a mozos como a non tan novos, madurez.