OS CENTROS

 

CPI Uxío Novoneyra (Pedrafita do Cebreiro)

Porta de entrada do Camiño Francés a Galicia, a cabeceira do concello de Pedrafita do Cebreiro será tamén o punto no que comece a traxectoria de “O Camiño que nos une”.

 

Data: 22 de marzo

Ruta: Camiño Francés

Deportista convidada: Lara Balseiro

IES Plurilingüe San Rosendo (Mondoñedo)

A segunda etapa deste traxecto terá na capital da Mariña Central a súa sede. Situado a escasos metros da entrada do casco vello da vila mindoniense, o centro atópase a pouca distancia dunha das xoias do Camiño Norte: a Catedral de Mondoñedo.

Data: 23 de abril

Ruta: Camiño Norte 

Deportista convidada: Nuria Bouza

CPI Castroverde (Castroverde)

Dende as portas de acceso a este centro pódense adiviñar as siluetas dos peregrinos que percorren o Camiño Primitivo rumbo a Lugo primeiro, e Compostela despois. O trazado desta vía transcorre ben preto das instalacións nas que o alumnado participará da terceira quenda do proxecto.

Data:  15 de abril

Ruta: Camiño Primitivo

Deportista convidada: Adiaratou Iglesias

IES Francisco Daviña Rey (Monforte)

Dende a Torre da Homenaxe pódense divisar aos peregrinos que chegan a Monforte polo Camiño de Inverno. Tamén como os alumnos e alumnas deste centro, localizado aos pés da fortificación, se dirixen ás clases. Cuarto episodio da iniciativa, que completa a visita a vilas emprazadas nas catro vías xacobeas que percorren Lugo.

Data: 28 de abril

Ruta: Camiño Sur / Inverno

Deportista convidada: Saleta Fernández

IES do Camiño (Palas de Rei)

O propio nome do centro xa deixa entrever a importancia que ten todo o vencellado co movemento xacobeo para esta vila lucense. Quinta sesión e segunda nun centro vencellado co Camiño Francés.

Data: 3 de maio

Ruta: Camiño Francés

Deportista convidada: Alessandra Aguilar

IES Basanta Silva (Vilalba)

Ata o corazón da Terra Chá viaxa desta volta a iniciativa para visitar este centro de formación localizado en Vilalba, municipio onde os peregrinos practicamente se despiden da provincia de Lugo.

Data: 12 de maio

Ruta: Camiño Norte

Deportista convidada: Sara Álvarez

IES Val do Asma (Chantada)

Coa vista cara á Ribeira Sacra desenvolverase a penúltima sesión do programa. Chantada será a última parada antes de rematar o traxecto na capital da provincia.

Data: 25 de maio

Ruta: Camiño Sur / Inverno

Deportista convidada: Hilda Rodríguez

IES Lucus Augusti (Lugo)

Lugo será unha etapa única desta apaixonante aventura a través das distintas rutas xacobeas que atravesan a provincia. Farao nun centro educativo situado a apenas 500 metros do punto no que conflúen os tres bens Patrimonio da Humanidade cos que conta a cidade, incluído o Camiño Primitivo.

Data: 12 de abril

Ruta: Camiño Primitivo

Deportista convidada: Tania Fernández

Tes algunha dúbida?

Ponte en contacto connosco, estaremos encantados de axudarche.

COÑÉCENOS UN POUCO MÁIS

Somos unha iniciativa promovida pola asociación de Amigos do Camiño de Santiago da Provincia de Lugo. O noso obxectivo é pór en valor as rutas de peregrinación en Lugo en base a tres eixos: deporte, igualdade e xuventude.

INFORMACIÓN DE CONTACTO
Email: lugocamino@gmail.com Teléfono: 638 295 225

facebook instagram linkedin